انور وسطڙو ( راڳي)

انور وسطڙو ( راڳي ):انور وسطڙي جو جنم 1940ع ڌاري ڳوٺ مچر ضلع نوشهري فيروز ۾ ٿيو . شروعاتي تعليم ڳوٺ جي پرائمري اسڪول مان ورتائين . نائين جماعت هاءِ اسڪول ٺاروشاهه ۾ پڙهيو . پوءِ پڙهڻ ڇڏي ڏنائين . اسڪول ڇڏڻ کانپوءِ ٻيڙين ٻڌڻ جو ڪم ڪرڻ لڳو ، اهو ڌنڌو سندس پيءُ ۽ ڀائر به ڪندا هئا . ٻيڙين ٻڌڻ دوران محمد رفيع ۽ چندر جا ڪلام ٻڌندو هو ۽ انهن کي جهونگاريندو هو . اتان کيس ڳائڻ جو شوق پيدا ٿيو ۽ استاد محمد صالح خاصخيليءَ جو شاگرد ٿيو ۽ ترت پوءِ استاد منظور علي خان کان ڌاڳو ٻڌايائين . 1976ع کان هن ريڊيو ۽ ٽي وي تي ڳائڻ شروع ڪيو ، ڪيترين فلمن ۾ پڻ ڳاتائين . پنجابي فلم ” وفاياران دي “ سنڌي فلم ” پرديسي ۽ پيار “ ” پرو چانڊيو “ جا گانا ڳاتائين . هن ڪجهه عرصو اداڪاري به ڪئي . هن سنڌ اندر مختلف ثقافتي ۽ ادبي ڪانفرنسن ۾ پنهنجي فن جو مظاهرو ڪيو آهي . مصري شاهه اوارڊ ۽ لطيف ايورڊ مڃتا طور مليا اٿس .

داخلا ۾ استعمال ٿيل تاريخون

1940.00.00  عيسوي

انور وسطڙو ( راڳي ) : -انور- وسطڙي جو جنم 1940ع ڌاري ڳوٺ مچر ضلع نوشهري فيروز ۾ ٿيو

شخصيتون - ڀاڱي جون ٻِيون داخلائون